ATS અને NCBના સંયુક્ત ઓપરેશનમાં મોટી સફળતા
ગુજરાતનો સૌથી મોટો લગભગ 1600 કિલોમીટરનો વિશાળ દરિયાકાંઠો જાણે નશાના માફિયાઓ માટે ડ્રગ્સની હેરાફેરી માટેનું હબ બની ગયો હોય તેમ અવારનવાર અહીંથી મોટાપાયે નશીલા પદાર્થો ઝડપાઈ છે,આજે ફરી વખત પોરબંદરના દરિયામાંથી 500 કરોડોની કિંમતનો ડ્રગ્સનો જથ્થો ઝડપાયો હતો.પોરબંદરના દરિયામાં બોટમાં ડ્રગ્સ આવતું હોવાની બાતમી દિલ્હી NCBની ટીમને મળી હતી. જેના આધારે ગુજરાત ATSની ટીમ અને NCBની ટીમે મોડી રાત્રે દરિયામાં ઓપરેશન હાથ ધર્યું હતું. આ દરમિયાન એક બોટમાંથી 500 કિલોથી વધુ ડ્રગ્સનો જથ્થો મળી આવ્યો હતો. આ સાથે જ 7 ઈરાની શખસો પણ તેની હેરાફેરી કરતા ઝડપાઈ ગયા હતા,ત્યારે ફરી એકવાર ગુજરાતનો દરિયો ડ્રગ્સની હેરાફેરીને લઇ ચર્ચામાં છે.કરોડોના ડ્રગ્સની ડીલ ગુજરાતના દરિયામાંથી જ કેમ થાય છે કેમ ગુજરાતનો દરિયો બની રહ્યો છે ડ્રગ્સ ઉલેચવાનો કાંઠો?
આમ તો ભારત ફરતે દરિયો છે.દેશનો દરિયા કિનારો 7517 કિ.મી લાંબો છે. જેમાં પણ ગુજરાત પાસે 1640 કિ.મી લાંબો દરિયા કિનારો છે.કિનારા પર 144થી વધુ નાના-મોટા ટાપુ છે,સાથો સાથ પાકિસ્તાની દરિયાઇ સરહદ નજીક છે.ડ્રગ્સની હેરફેર પાકિસ્તાન અને ઇરાનમાંથી વધુ તહતી હોય ગુજરાતનો દરિયા કાંઠો ડ્રગ્સ માફિયાઓની નજરમાં આવી ગયો છે.નશાના આ કારોબારમાં પાકિસ્તાનનું કરાચી બંદર અને ઇરાનના ચાબહાર બંદરની ભૂમિકા મુખ્ય હોવાનું પણ મનાય છે તેવામાં ગુજરાતનો દરિયાકિનારો નજીક છે જેથી ડ્રગ્સની હેરાફેરી માટે પણ આ દરિયાઈ સીમાનો ઉપયૉગ કરવામાં આવતો હોવાનું મનાય છે.જાણવા મળ્યા મુજબ ડ્રગ્સ માફિયાઓ ગજરાતના કચ્છ,પોરબંદરના દરિયા મારફતે ડ્રગ્સ ઘુસાડવાનો પ્રયાસ કરે છે જે બાદ ડ્રગ્સ હેન્ડલર્સ આ ડ્રગ્સ ભારતના અન્ય શહેરો રાજ્યોમાં પોચડવમાં આવે છે.ગુજરાતમાં પણ ધનિકવર્ગમાં ડ્રગ્સની ખરીદીનું પ્રમાણ વધ્યું છે.અમદાવાદ, વડોદરા, રાજકોટ જેવા શહેરોમાં MD ડ્રગ્સ અનેક વાર પકડાયું છે. સૌરાષ્ટ્રમાં મોટાભાગે ડ્રગ્સનું કન્સાઇનમેન્ટ પકડાય છે,જેમાં દ્વારકા,પોરબંદર,ગીરસોમનાથથી અનેક વાર ડ્રગ્સ ઝડપાયું છે. સુરક્ષા એજ્ન્સીઓ પહેલાના પ્રમાણમાં વધુ સતર્ક છે જ્યારે અનેક વખત પેટ્રોલિંગના ડરથી ડ્રગ્સ ફેંકી દે છે અને જેના કારણે દરિયા કિનારેથી અનેક વખત પેકેટ પણ મળી આવતા હોય છે.
7 ઈરાનીની ધરપકડ
ગુજરાત એન્ટી ટેરરિસ્ટ સ્ક્વોડ (ATS) અને દિલ્હી નાર્કોટિક્સ કંટ્રોલ બ્યુરો (NCB) દ્વારા સંયુક્ત ઓપરેશન દરમિયાન 500 કિલોથી વધુ ડ્રગ્સનો જથ્થો ઝડપાયો છે.આ ડ્રગ્સનો જથ્થો પોરબંદર પોર્ટ પર લાવવામાં આવ્યું હતું સાથે જ તેની હેરાફેરી કરતા 7 ઈરાની શખસોની પણ અટક કરવામાં આવી હોવાનું જાણવા મળ્યું છે.પોરબંદરના દરિયામાં બોટમાં ડ્રગ્સ આવતું હોવાની બાતમી દિલ્હી NCBની ટીમને મળી હતી. જેના આધારે ગુજરાત ATSની ટીમ અને NCBની ટીમે મોડી રાત્રે દરિયામાં ઓપરેશન હાથ ધર્યું હતું. આ દરમિયાન એક બોટમાંથી 500 કિલોથી વધુ ડ્રગ્સનો જથ્થો મળી આવ્યો હતો. આ સાથે જ 7 ઈરાની શખસો પણ તેની હેરાફેરી કરતા ઝડપાઈ ગયા હતા.
સાત વર્ષમાં ગુજરાતના દરિયાએ ઊલેચ્યું 40 હજાર કરોડથી વધુનું ડ્રગ્સ..!
ગુજરાતનો દરિયો ડ્રગ્સનો દરિયો બની રહ્યો છે અવાર નવાર દરિયામાંથી લાખો કરોડોના ડ્રગ્સ પકડાવવાનો સિલસિલો જોવા મળે છે,નશાનો કારોબાર કરતા માફિયાઓનો ડોળો હંમેશા ગુજરાતના દરિયા કાંઠે રહેતો હોય છે જેને પરિણામે છે ગુજરાતનો દરિયો ડ્રગ્સના હબ તરીકે ઉભરી રહ્યો છે,500 કરોડના ડ્રગ્સ કેસમાં સુરક્ષા એજન્સીઓની સતર્કતા કામ કરી ગઈ,ખેર હાલ સુરક્ષા એજન્સીઓ સમગ્ર રેકેટ અંગે માહિતી મેળવી તેના મૂળ સુધી પહોંચવાનો પ્રયાસ કરશે,જોકે ડ્રગ્સ સાથે ઝડપાયેલા લોકો સિવાય આગળની એક પણ કડી ખુલતી નહીં હોવાનું પણ અનેક કિસ્સામાં બહાર આવ્યું છે અને તેને કારણે ડ્રગ્સના નિયમિત જથ્થાઓ ગુજરાતના માર્ગે ઘુસી રહ્યા છે.ડ્રગ્સની હેરાફેરી ગુજરાતમાં મોટુ દુષણ બની ગયું છે.રાજ્યમાં આ પ્રકારે વારંવાર ડ્રગ્સના મોટો જથ્થો પકડવામાં આવે છે.કહેવાય છે કે,સાત વર્ષમાં ગુજરાતમાંથી 40 હજાર કરોડથી વધુનું ડ્રગ્સ ઝડપી લેવાયું છે.
BY DIPAK KATIYA ON NOVEMBER 15, 2024
