ઓક્સફોર્ડ વર્ડ ઓફ ધ યર 2024  : ‘બ્રેન રોટ’  : શું છે આનો મતલબ આવો જાણીએ

ઓક્સફોર્ડ વર્ડ ઓફ ધ યર 2024  : ‘બ્રેન રોટ‘  : શું છે આનો મતલબ આવો જાણીએ

આજકાલ, ઈન્ટરનેટ આપણા જીવનનો એટલો મહત્વપૂર્ણ ભાગ બની ગયો છે કે તેના વિના જીવનની કલ્પના કરવી મુશ્કેલ છે. પરંતુ આ ઈન્ટરનેટની દુનિયામાં રીલ એક મહત્વપૂર્ણ ભાગ ભજવે છે. જે તમારા કીમતી સમય ને બગાડવા સિવાય કોઈ કામ કરતું નથી. કારણ કે જ્યારે આપણે ફોન હાથ માં લઈ એ છીએ. રીલ્સ ખોલી જોતાં હોય છે ત્યારે એક પછી એક રિલ સ્ક્રોલ કરી જોતાં રહીએ છીએ. જે જોવામાં સમય ક્યાં જતો રહે છે તેણી જાણ આપણને સુદ્ધાં પડતી નથી.

ત્યારે સોશિયલ મીડિયા પર વિચાર્યા વિના સતત સ્ક્રોલ કરવા માટે એક શબ્દ વપરાય છે – બ્રેઈન રોટ. જી હા ! બ્રેઇન રોટ (Brain Rot ), આ શબ્દ ને ઓક્સફોર્ડે વર્ષ 2024નો વર્ડ ઓફ ધ યર જાહેર કર્યો છે.

જો વાત અટપટી લાગતી હોય તો ચાલો તેને સરળ ભાષામાં સમજીએ. શું તમને વહેલી સવારે તમારો ફોન ચેક કરવાની આદત છે? શું તમે તમારો ફોન ચેક કરતી વખતે અચાનક સોશિયલ મીડિયા પર આવી જાઓ છો? અને પછી અડધા કલાક પછી તમને યાદ આવે છે કે તમે હજુ સુધી પથારીમાંથી ઉઠી શક્યા નથી? શું તમે બેસીને, ઊભા રહીને અથવા ક્યાંય પણ સૂતી વખતે તમારા ફોન પર રીલ્સ અથવા શોર્ટ્સ સ્ક્રોલ કરવાનું શરૂ કરો છો? જો હા તો તમે મગજના સડોના એટલે કે બ્રેન રોટ ના શિકાર છો.

અલ્ગોરિધમ્સની રમતમાં ફસાય છે વ્યક્તિ નું મગજ :_

વાસ્તવમાં શું થાય છે ..સોશિયલ મીડિયા પર સામગ્રીની ભરમાર છે. જો તમે કોઈપણ રીલ અથવા વિડિયો પર એવરેજ કરતા 2 સેકન્ડ પણ વધુ સમય વિતાવો છો. તો સંબંધિત એપનું એલ્ગોરિધમ સમજી જશે કે તમને કોઈ ચોક્કસ કેટેગરીના વિડિયો ગમે છે. ભલે તમને એ ન ગમતું હોય પણ તમે સંપૂર્ણ રિલ જોઈ કે પછી રિપીટ કરી ને જોઈ તો જે તે વિષય ની ઘણી રીલ્સ અને સામગ્રી તમારી સ્ક્રીન પર કુદકા મારતી આવી જશે. એટલે કે જ્યારે તમે સોશ્યલ મીડિયા એપ ખોલશો. તો તમે જોયેલી સામગ્રી, વિષય વસ્તુ દેખાવા લાગશે.

સ્ક્રોલ કરતી વખતે, તમે એ પણ જાણતા નથી કે તમે જે સામગ્રી જોઈ રહ્યા છો તે તમારા માટે ઉપયોગી છે કે નહીં. આ એ જ પરિસ્થિતિ છે જેમાં આપણે કંઈપણ સમજ્યા વગર કે વિચાર્યા વિના કન્ટેન્ટને સ્ક્રોલ કરી રહ્યા છીએ, કારણ કે તે જ સ્ક્રીન પર આવી રહ્યું છે અને તમે સોશિયલ મીડિયાની દુનિયામાં ડૂબકી લગાવી રહ્યા છો

તમને લાગે છે કે થોડી વધુ મિનિટો, થોડી વધુ રીલ્સ… પણ જ્યાં સુધી તમને કોઈ બીજું કામ યાદ ન આવે અથવા મમ્મી આવીને તમને કહે કે તમે ઘણા કલાકોથી આ કામમાં વ્યસ્ત છો ત્યાં સુધી અંત આવતો નથી. બ્રેઈન રૉટ શબ્દ આ માનસિક રોટનો ઉલ્લેખ કરે છે, જેમાં તમે કોઈ પણ અર્થ વિના હલકી ગુણવત્તાવાળી સામગ્રી, પુનરાવર્તિત સામગ્રીનો ઉપયોગ કરો છો.

સૌપ્રથમ 1854 માં આ શબ્દ વાપરવામાં આવ્યો હતો

બ્રેઈન રોટ શબ્દનો ઉપયોગ લગભગ 170 વર્ષ પહેલા થયો હતો. આ શબ્દનો પ્રથમ ઉલ્લેખ હેનરી ડેવિડના પુસ્તક વાલ્ડેનમાં થયો હતો, જે 1854માં લખવામાં આવી હતી. સમાજની ઉપરછલ્લીતા પર કટાક્ષ કરતાં તેમણે બ્રેઈન રૉટ શબ્દ એટલે કે માનસિક સડો શબ્દ નો ઉપયોગ કર્યો હતો.

BY SHWETA BARANDA ON DECEMBER 04, 2024