વડોદરાનું આ વર્ષનું બજેટ 6200 કરોડ!

મ્યુ.કમિશનરે સૂચિત બજેટ સ્થાયીમાં રજુ કર્યું.વડોદરામાથે કરદરનો બોજ નાખી સફાઈ ચાર્જ ડબલ કરાયો!2276 કરોડના ખર્ચે 881 નવીન કામ હાથ પર લેવાનો દાવો!

વડોદરા મહાનગર પાલિકાનું વર્ષ 2024 અને 2025નું રિવાઇઝડ બજેટ તેમજ વર્ષ 2025-26નું ડ્રાફ્ટ બજેટ રજુ કરવામાં આવ્યું હતું,મ્યુ.કમિશનર દિલીપ રાણાએ આજરોજ સ્થાયી સમિતિમાં 24-25નું રિવાઇઝડ બજેટમાં રૂપિયા 455 કરોડનો વધારો કરી રૂપિયા 6013.61 કરોડનુ અને 2025-26નું રૂપિયા 6200.56 કરોડનું ડ્રાફ્ટ બજેટ મંજૂરી માટે સથયિ સમિતિ સમક્ષ મૂક્યું હતું. વિકાસની દોડમાં પાછળ રહી ગયેલા વડોદરામાં વિકાસને રફ્તાર મળે તે માટે 6200 કરોડથી વધુ બજેટ રજૂ કરવામાં આવ્યું છે,આ વર્ષે બજેટ રજુ કરતા પૂર્વે વડોદરાના લોકો પાસે સૂચનો મંગાવવામાં આવ્યા હતા અને 1700થી વધુ સૂચનો લોકોએ મોકલાવ્યા પણ હતા,જોકે આ સુચનોમાં સૂચન ઓછા અને ફરિયાદો વધુ હતી ત્યારે આજરોજ રજુ થયેલા સુચીત બજેટમાં મ્યુ.કમિશનર દિલીપ રાણાએ લોકોની ફરિયાદોને પણ નજરમાં રાખી હોય તેવું લાગી રહ્યું છે અને તે મુજબ વડોદરાના રસ્તાઓની પહોળાઈ, સફાઈ, દબાણમુક્તિ, આરોગ્ય સુવિધાઓ, પાણીની સમસ્યાઓ અને અન્ય વિકાસલક્ષી મુદ્દાઓનો બજેટમાં સમાવેશ પણ કરવામાં આવ્યો છે.વિકાસને વેગ મળે તેવા બજેટના દાવાઓ વચ્ચે કરંદરનો બોજ વધારવાનું પણ સૂચન કરવામાં આવ્યું છે,જેમાં ખાસ કરી વડોદરા પાસે લેવાતા સફાઈચાર્જને ડબલ કરી દેવાનું સૂચન કરવામાં આવ્યું છે.જેને લઇ વિરોધ અને વિવાદ અત્યારથી જ શરુ થઇ ગયો છે.

આજરોજ મ્યુ.કમિશનર દિલીપ રાણાએ વર્ષ 25-26 માટેનું 6213 કરોડનું બજેટ સ્થાયીને સૂચિત કર્યું છે.જેમાં વડોદરાના વિકાસનો રોડમેપ નક્કી કરવાનો લક્ષ્યાંક હોવાનું કહેવાય છે,વડોદરાના વિકાસમાં જરૂરી ભંડોળ ભેગું કરવા માટે મ્યુ.કમિશનર દિલીપ રાણાએ કરદરનો બોજ નાખ્યો છે,મ્યુ.કમિશનરે મિલ્કત વેરામાંથી આવક રળી શક્ય તેવા સૂચન સાથે મિલ્કત વેરામાં કર દર સૂચિત કર્યા છે જે મુજબ 50 ચો.મીથી ઓછા રહેણાક મિલકત માટેનો દર 250થી વધારી 500 કરવાનું સૂચવ્યું છે,તો 50 થી 100 ચો. મી સુધીમાં મિલ્કત વેરો 500 થી વધારી 1000 કરાયો છે અને 100 ચો.મી થી વધુ હોય તેઓના મિલ્કત વેરો 750થી વધારીને 1500 કરવાનું સુચવ્યું છે.મિલ્કત વેરામાં વધારાની સાથે સાથે સફાઈ ચાર્જની રકમ અથવા સામાન્ય કરના દસ ટકા બેમાંથી જે વધુ હશે તે મુજબ સફાઈ ચાર્જ વસુલવાનું પણ બજેટમાં સૂચિત કરવામાં આવ્યું છે.એટલે કે સફાઈ વેરો ડબલ કરવાનું સૂચવ્યું છે,જેનો બોજ લોકોમાંથી પડશે પણ પાલિકાને સફાઈ વેરાથી વધુ 50 કરોડની આવક થાય તેવું અનુમાન છે.આ વર્ષે કરદર સાથેનું બજેટ રજૂ કરાયું છે.મ્યુ કમિશ્નર દિલીપ રાણાએ વડોદરાના વિકાસને વેગ આપવા બજેટમાં બોજ નાખી દીધો છે,પણ હકીકત એ પણ છે કે વડોદરા વિકાસની દોડમાં અણઘડ વહીવટને કારણે પણ પાછળ રહ્યું છે,

— ‘સફાઈ’નો ડબલ ડોઝ બદલશે વડોદરાની ‘સુરત’

આજે વડોદરા મહાનગર પાલિકાના મ્યુ.કમિશનર દિલીપ રાણાએ વર્ષ 25 -26નું રિવાઇઝડ બજેટ સ્થાયીમાં રજુ કર્યું હતું,આ સૂચિત બજેટ મ્યુ.કમિશનર દિલીપ રાણાએ વડોદરાને જોરદાર ઝાટકો લાગવ્યો છે,વડોદરા માથે કરદરનો બોજ નાખ્યો છે.ખાસ કરી ને સફાઈ વેરો મ્યુ.કમિશનરે ‘ડબલ’ કરી નાખ્યો છે.એક તરફ વડોદરામાં સફાઈના ઠેકાણા નથી અને વડોદરા પર ડબલ સફાઈ વેરાનો બોજ નાખી અંદાજે 50 કરોડ ઉઘરાવી લેવાનો મ્યુ.કમિશનરનો મનસૂબો હોય તેવું લાગે છે.વડોદરાની સડકો કે અન્ય જગ્યાઓ પર કચરા અને ગંદકીઓના ઢગ જોવા મળે છે જ્યાં રેગ્યુલર સફાઈ પણ જોવા મલળતી નથી અનેક વિસ્તારોમાં ગંદકીને કારણે બીમારીઓ વધે છે તો પછી સફાઈ વગર સફાઈ ટેક્સમાં વધારો કેમ? પૂછે છે વડોદરા સફાઈ ચાર્જમાં વધારા બાદ સફાઈમાં પણ એકંદરે પાછળ રહેતું વડોદરા આગળ આવશે? શું પાલિકાના આડેધડ વહીવટથી બદસુરત બની રહેલ વડોદરાની સુરત બદલાશે? કહેવાય છે કે પાલિકાની ખાલી તિજોરીને ભરવા વડોદરાના લોકો પર બોજ સૂચવવામાં આવ્યો છે.

— ચૂંટણી વર્ષમાં ભાજપને કરદર પોસાય તેમ નથી?

આમ તો,આજરોજ વડોદરા મહાનગર પાલિકાના મ્યુ.કમિશનર દિલીપ રાણાએ વર્ષ 25 -26નું રિવાઇઝડ બજેટ સ્થાયી મંજુર થવાની અપેક્ષાએ મુકાયું છે પરંતુ સૂચિત બજેટમાં ઘણા ફેરફાર થાય તેવી શક્યતા વધુ છે. મ્યુ.કમિશનર દિલીપ રાણાએ સૂચવેલ કરદર ચૂંટણી વર્ષમાં ભાજપને પરવડે તેમ જણાતું નથી એટલે સ્થાયી સમિતિ અથવા તો સામાન્ય સભામાં બેજેટમાં સૂચવેલ બોજ હટાવી લેવામાં આવે તેમ લાગે છે,આમ પણ વડોદરા ભાજપમાં ચાલતી આંતરિક જૂથબંધી કોર્પોરેશનની ચૂંટણીમાં ભાજપને નડે તેવા અણસારો હમણાંથી જ વર્તાઈ છે ત્યાં કરદરના બોજ સાથે લોકોની વચ્ચે જવું ભાજપના નેતા અને ઉમેદવારોને નડી શકે છે?

— કેવી રીતે બજેટ મંજુર થાય છે?

વડોદરાના વિકાસની જવાબદારી વડોદરા મહાનગર પાલિકા ના શિરે છે અને વડોદરાની સમસ્યા અને વડોદરાની વધતી વસ્તી પ્રમાણે વિકાસ માટે દરવર્ષે એક બજેટ મુકવામાં આવે છે જે મુજબ વડોદરાના વિકાસનો રોડમેપ તૈયાર કરવામાં આવે છે આ રોડમેપ પાલિકાના મ્યુ.કમિશનર તૈયાર કરતા હોય છે જણે અનુરૂપ રિવાઇઝડ બજેટ તેમજ ડ્રાફ્ટ બજેટ રજુ કરવામાં આવતું હોય છે.આ પરંપરા પ્રમાણે આજરોજ મ્યુ.કમિશનર દિલીપ રાણાએ આજરોજ સ્થાયી સમિતિમાં 24-25નું રિવાઇઝડ બજેટમાં રૂપિયા 455 કરોડનો વધારો કરી રૂપિયા 6013.61 કરોડનુ અને 2025-26નું રૂપિયા 6200.56 કરોડનું ડ્રાફ્ટ બજેટ મંજૂરી માટે સથયિ સમિતિ સમક્ષ મૂક્યું હતું,જોકે આ બજેટમાં ફેરફાર અને બદલાવની સ્થાયી સમિતિ ચર્ચા દરમિયાન કરી શકે છે અને પછી સ્થાયી સમિતિ સૂચિત બજેટ મંજુર કરી સામાન્ય સભાને મોકલી આપે છે.વડોદરા મહાનગર પાલિકાના બજેટ માટે પાલિકામાં 3 દિવસની ખાસ સભા મળે છે,જેમાં તમામ ચૂંટાયેલા સભ્યો પોતાની વાત મૂકે છે અને જરૂરી સૂચનો પણ દરખાસ્તના માધ્યમથી કરે છે ત્યારે ખાસ સભામાં 3 દિવસની વિસ્તૃત ચર્ચા બાદ એક બજેટ મંજુર થાય છે જે અંતિમ બજેટ બને છે.

— મ્યુ.કમિશનર સાહેબના બજેટમાં ખાસ આ પણ!

1,પાણીની સમસ્યાના નિવારણ માટેના કામો પર સોર્સ ઓગ્મેન્ટેશનથી લઇ વિતરણ વ્યવસ્થા પર ફોક્સ
2,વધતી જનસંખ્યા સાથે STP,APS નેટવર્કનો વિસ્તાર કરવામાં આવશે
3,વડોદરાને પૂર સંકટથી ઉગારવા મહત્વપૂર્ણ વિશ્વામિત્રી પ્રોજેક્ટનું અમલીકરણ
4,વરસાદી ગટરો અને તાડવોની સાફ સફાઈ પર જોર માટે કરોડોની ફાળવણી
5,રોડ રસ્તાઓ સાથે ટ્રાફિકની મહા સમસ્યાના નિવારણ માટે બ્રિજ બનશે
6,વડોદરાને આગ સહીત કુદરતી હોનારતો વેળાએ સુરક્ષા હેતુ સુરક્ષા સેફટી પર ફોક્સ
7,ક્લીન વડોદરાની સાથે ગ્રીન વડોદરા માટે ખાસ એક્શન પ્લાન
8,હેરિટેઝ સીટી અંતર્ગત વડોદરાની એતિહસિક ધરોહરની વધુમજબૂત કરવા પણ ભાર મુકાયો
9,વડોદરાની પાર્કિંગ સમસ્યા માટે પાર્કિંગ પોલિસી
10,વડોદરાના લોકોની સુવિધામાં વધારો કરવા માટેનું ખાસ આયોજન
11,EV વિઝન 25ને પ્રોત્સહન માટે અનેક પ્રયાસો

BY DIPAK KATIYA ON 28TH JANUARY, 2025